Top Ramira

Von 17.04.1996 bis 01.10.2013

Liebs Rämi

 

Itze isches scho chli här wo mir di hei vo dine Schmärze müesse befreie. Mir wüsse, dases die richtegi Entscheidig isch gsi, aber glich isches sehr schwär immer wider a dire läre Boxe verbi ds ga... Mir hei sit 14,5 Jahr sehr viu zäme dörfe erläbe. Mir si zäme dür Dick u Dünn, dür gueti und ou schlächti Zite. Mir hei zäme gschaffet u hei ewig längi Usritte dörfe gniesse... Sit 3 Jahr bisch du ou im Voltige drbi und hesch üs bir Gründig vo üsere eigete Voltige-Gruppe ghuufe. Du hesch dir immer e riiiise Müeh gä, we d Afängerli wider si cho u hesch immer zeigt, dases dir het Spass gmacht. du hesch wärend dire Voltigezit nie e fausche Tritt gmacht u immer uf üsi Afängerli ufpasst. Du bisch e supper Lehrmeischterin gsi, nid nume für die wo uf dir hei dörfe turne, nei ou für ds Mischi, wo di het longiert. Du heschse immer wider teschtet und dini Flousene no chli vorem Training useglah, das du när bim Training vou konzentriert bisch gsi. Ds Mischi isch de haut mängisch fasch chli verzwiflet, drfür hetsi aues was si bis itze cha vo dir glehrt. u das isch sehr viu...

Rämi, du wirsch üs und üsere Voltige-Gruppe seeeeeehr fähle. So es Pony wie di fingt me eifach nüm.

Bitte hiuf itze vo dire riiisige Weid obe am Karat, daser würdig i dini Fuessstapfe cha trätte u drück üs bim wittere Beluga-Dasi d Huf, das aues guet chunt...

Rämi mir vermisse di!!!!

Sarah, Daniel, Lena und

Dini Beluga-Familie